22, აპრილი 2020 17:20:00
ერაყიდან სამშობლოში საქართველოს 70 მოქალაქე დაბრუნდა. ქურთისტანის რეგიონიდან, საქართველოს მოქალაქეების ჩამოსაყვანად, ჩარტერული რეისი, აჭარის მთავრობის, საქართველოს საგარეო საქმეთა სამინისტროს და იორდანიაში საქართველოს საელჩოს კოორდინაციით განხორციელდა. აღნიშნული რეისით, ერაყში გარდაცვლილი საქართველოს მოქალაქეც ჩამოასვენეს. ფრენა, სოციალური პასუხისმგებლობის ფარგლებში, დიდწილად კომპანია "რეკან გრუპ ჯორჯიამ“ დააფინანსა. შექმნილი ვითარებიდან გამომდინარე, ქვეყნებს შორის დაკეტილია სახმელეთო საზღვრები და გართულებულია გადაადგილება. განხორციელებული სპეცრეისით, საქართველოში დაბრუნდნენ მოქალაქეები, რომლებიც ვერ ახერხებდნენ ერაყიდან ჩამოსვლას.