22, აპრილი 2020 17:21:00
ნაზიკო შარაბიძე ბათუმის მერიას დახმარებას სთხოვს. 80 წლის ქალი ტაბიძის 8 ნომერში მარტო, ქირით ცხოვრობს. ამბობს, რომ თანხას პენსიიდან ფარავს. მისივე თქმით, აქვს ქრონიკული დაავადება, პანდემიის გამო კი გარეთ საერთოდ ვეღარ გადის. როგორც ჩვენთან სატელეფონო საუბრისას განაცხადა, საკვები და მედიკამენტი მისთვის არავის მიაქვს. დახმარებისთვის კი მერის წარმომადგენელს აღმაშენებლის უბანში, იოსებ ტარიელაძეს, ერთი თვის წინ მიმართა, თუმცა თხოვნა ამაო აღმოჩნდა. მერიაში მხოლოდ ზეპირსიტყვიერად განმარტეს, რომ ნაზიკო შარაბიძის სოციალური მდგომარეობა პანდემიის მიზეზით არ გაუარესებულა, უწყება კი იმ პირებსა და ოჯახებს ეხმარება, რომლებსაც განსაკუთრებულად გაუჭირდათ.