22, აპრილი 2020 17:27:00
აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო 2020 წლის პროგრამებს უწყვეტ რეჟიმში ახორციელებს - ამის შესახებ ინფორმაციას უწყება ავრცელებს. სამინისტრო შეუფერხებლად აფინანსებს კარდიოქირურგიულ და ონკოლოგიურ სამედიცინო მომსახურებებს, ღვიძლისა და ძვლის ტვინის ტრანსპლანტაციას, ასავე ძვირადღირებულ მედიკამენტებს. კრიზისული ბიუჯეტის ფარგლებში ცვლილება არ შეხებია ჯანმრთელობისა და სოციალური დაცვის პროგრამების ბიუჯეტს, რადგან სამინისტროსთვის წლის დასაწყისში დამტკიცებული პროგრამები კვლავ პრიორიტეტულია და მათი განხორციელება მოსახლეობისათვის აუცილებლობას წარმოადგენს. შექმნილი ვითარებიდან გამომდინარე გარკვეული პერიოდით გადავადდა რეაბილიტაციის პროგრამების განხორციელება - აღნიშნულია გავრცელებულ განცხადებაში.