29, აპრილი 2020 17:03:00
კოვიდ 19-თან ბრძოლის ფარგლებში შემუშავებულ საგანგებო ბიუჯეტზე აჭარის უმაღლეს საბჭოში უკვე მეორე დღეა მსჯელობენ. ამ წუთებში ბიუროს სხდომა მიმდინარეობს. დოკუმენტი უკვე განიხილეს საფინანსო-საბიუჯეტო და ეკონომიკურ საკითხთა კომისიაში. დეპუტატების კითხვებს, აჭარის ფინანსთა და ეკონომიკის მინისტრი პასუხობდა. ბიუჯეტს იწუნებს ოპოზიცია. როგორც გია აბულაძე აცხადებს, იგი არ ემსახურება პანდემიასთან ბრძოლას. არგუმენტებით პაექრობისას, ოპონენტები პოლიტიკურ დაპირისპირებაში გადავიდნენ. საბოლოოდ კენჭი დოკუმენტს ხვალ უნდა უყარონ.