30, აპრილი 2020 18:22:00
აჭარის საგანგებო ბიუჯეტი დამტკიცებულია. ფინანსურ დოკუმენტში ცვლილებებს მხარი უმაღლესი საბჭოს 13-მა დეპუტატმა დაუჭირა. კენჭისყრაში მონაწილეობა "ერთიანი ნაციონალური მოძრაობის" წევრებს არ მიუღიათ. აჭარის ფინანსთა და ეკონომიკის მინისტრის ჯაბა ფუტკარაძის ინფორმაციით, 20 მილიონი ლარი კორონავირუსის პრევენციას მოხმარდება.
სხდომის მიმდინარეობისას სიტუაცია მმართველ გუნდის დეპუტატებსა და ოპოზიციის წევრებს შორის, რამდენჯერმე დაიძაბა. სიტყვიერი დაპირისპირებისას "ერთიანი ნაციონალური მოძრაობის" წევრმა ელგუჯა ბაგრატიონმა განაცხადა, რომ კრიზისების სამართავად გამოყოფილი თანხა არასაკმარისია.