08, მაისი 2020 23:27:00
სოფელ ახალშენში ხანძრის შედეგად ორსართულიანი სახლის პირველი სართული სრულად დაიწვა. როგორც TV25.GE თვითმხილველი ადგილიდან ატყობინებს ცეცხლის შედეგად საყოფაცხოვრებო ნივთები განადგურდა.
5 წევრიანი ოჯახი ფაქტობრივად ღია ცის ქვეშ დარჩა. ამ ეტაპზე უცნობია ხანძრის გაჩენის მიზეზი და ზარალის ოდენობა.
საგანგებო და გადაუდებელი სიტუაციების მართვის სამსახურში განმარტეს, რომ შემთხვევის ადგილზე 3 ჯგუფი მუშაობდა და ხანძრის ლიკვიდირება რამდენიმე წუთის წინ მოხდა.