აჭარის უმაღლესი საბჭოსა და მთავრობის თანამდებობის პირთა არასრულად შევსებული დეკლარაციები
ახალი ამბები
აჭარის მთავრობის, საქვეუწყებო დაწესებულებებისა და უმაღლესი საბჭოს 6 თანამდებობის პირის ქონებრივი დეკლარაცია არასრულადაა შევსებული. „საერთაშორისო გამჭვირვალობა - საქართველომ” 48 თანამდებობის პირის 2019-2020 წლებში წარდგენილი ქონებრივი დეკლარაციები შეისწავლა.
გამოვლენილი დარღვევებიდან 4 შემთხვევა ეხება თანამდებობის პირებისა და მათი ოჯახის წევრების კუთვნილი ქონების (უძრავი ქონება, წილები საწარმოებში) არასრულ დეკლარირებას. ამასთან, 2 შემთხვევაში სხვადასხვა საწარმოში წილების მფლობელ თანამდებობის პირებს წილები სხვა პირებისთვის მინდობით არ გადაუციათ, რაც ასევე არის საჯარო დაწესებულებაში ინტერესთა შეუთავსებლობისა და კორუფციის შესახებ კანონის მოთხოვნათა დარღვევა.
თანამდებობის პირების ქონებრივი მდგომარეობის შესახებ დეკლარაციების შემოწმება კორუფციასთან ბრძოლის ერთ-ერთი მნიშვნელოვანი ინსტრუმენტია. შესაბამისად, წარმოდგენილი ინფორმაციის საფუძველზე, „საერთაშორისო გამჭვირვალობა - საქართველო” მიმართავს საჯარო სამსახურის ბიუროს კვლევაში აღნიშნული პირების ქონებრივი მდგომარეობის დეკლარაციების შესწავლისა და რეაგირებისთვის.
ორგანიზაციის კვლევას აჭარის მთავრობიდან ამ ეტაპზე არავინ გამოხმაურებია. განმარტების გაკეთების შემთხვევაში პასუხს აქვე შემოგთავაზებთ.
1
s
s
s