11, მაისი 2020 17:02:00
ბათუმის ცენტრალური აგრარული ბაზარი გაიხსნა. ვაჭრობა დახლების უმეტესობაზე განახლდა. საქმიანობა ნებადართული ქათმის და ბოსტნეულის სექციაში გახდა, რეკომენდაციების დაცვის მოთხოვნის მიუხედავად, თვითდასაქმებულთა ნაწილი არ ატარებს პირბადეს და ხელთათმანს. ნიღბების და ერთჯერადი ხელთათმანის გარეშე აქ მომხმარებლებიც გადაადგილდებიან. მოქალაქეებს ბაზრის შენობის შესასვლელთან თერმოსკრინინგი უტარდებათ. მთავრობის საკოორდინაციო საბჭოს გადაწყვეტილებით, კორონავირუსის პრევენციის მიზნით, ბაზრები აპრილის დასაწყისში დაიკეტა. შემოსავლის გარეშე ათასობით ადამიანი დარჩა. საქართველოში სულ 208 აგრარული ბაზარი ფუნქციონირებს.