12, მაისი 2020 11:29:00
კორონავირუსს სპერმაში ცხოვრება შეუძლია. ამის შესახებ CNN-ი ჩინელი მეცნიერების კვლევაზე დაყრდნობით წერს.
ტელეარხის ინფორმაციით, სპეციალისტები იკვლევდნენ შესაძლებელია თუ არა COVID 19-ის სქესობრივი გზით გადადება. ამისთვის მათ ჩინეთის ერთ-ერთ კლინიკის 38 ინფიცირებული პაციენტი გატესტეს. 16%-ს კორონავირუსი სპერმაში აღმოაჩნდა. აქედან მეოთხედი ვმკურნალობის პროცესში იყო, 9% კი პრაქტიკულად გამოჯანმრთელებული.
„დავადგინეთ, რომ SARS-CoV-2-ს COVID-19-ით ინფიცირებული პაციენტების სპერმაში ცხოვრება შეუძლია და SARS-CoV-2-ის დაფიქსირება გამოჯანმრთელების გზაზე მყოფი კაცების სპერმაშიც შეიძლება“, - წერია მეცნიერების კვლევაში.
მეცნიერები აზუსტებენ, რომ ამ შემთხვევაში ვირუსს გამრავლება არ შეუძლია, თუმცა ის აქტიური რჩება, რადგან ადამიანის იმუნური სისტემა მისი ბინადრობის რეგიონს სრულად ვერ წვდება. ამასთან, სპეციალისტები აღნიშნავენ, რომ ეს გასაკვირი აღმოჩენა არ არის, რადგან ასე ბევრი სხვა ვირუსიც იქცევა, მაგალითად ებოლა და ზიკა, რომლებიც გამოჯანმრთელებული კაცების სპერმაში ინფიცირებიდან რამდენიმე თვეშიც კი აღმოაჩინეს.
მათი თქმით, თუ დამტკიცდა, რომ SARS-CoV-2-ის სქესობრივი გზით გადაცემა შესაძლებელია, დაავადების გავრცელების საუკეთესო პრევენციული მეთოდი პრეზერვატივების გამოყენება იქნება.