12, მაისი 2020 17:20:00
My. Gov .ge -ზე ხაზობრივი ნაგებობის მშენებლობის შეთანხმება უკვე შესაძლებელია. ელექტრონული სერვისების ერთიან პორტალს ახალი მომსახურება დაემატა. სერვისით ელექტროენერგიის, ბუნებრივი გაზის, წყალმომარაგების ლიცენზიატები და საკომუნიკაციო სფეროს კომპანიები ისარგებლებენ. მათ საშუალება ეძლევათ ელექტრონულად შეათანხმონ ქსელის ხაზობრივი ნაგებობის პროექტი როგორც ერთმანეთთან, ისე სხვა უფლებამოსილ პირებთან, შეთანხმების მიღწევის შემდეგ კი მიმართონ შესაბამის მუნიციპალიტეტს საბოლოო თანხმობისთვის. გადაწყვეტილება სემეკისა და კომუნიკაციების კომისიას ეკუთვნის.