14, მაისი 2020 09:49:00
სოფლის მეურნეობის ანტიკრიზისულ გეგმას - „ზრუნვა სოფელსა და ფერმერზე“ მთავრობა დღეს დაამტკიცებს, 20 მაისიდან კი ის სრულად ამოქმედდება.
ამ შეღავათებით სარგებლობა 200 ათას ფერმერს შეეძლება. მათ, ვისაც მიწა დარეგისტრირებული აქვს, ან დაარეგისტრირებს წლის ბოლომდე. ასევე აუცილებელი პირობაა, რომ ისინი სამინისტროს სპეციალურ ბაზაში ფიქსირდებოდნენ.
აგრარული სამუშაოებისთვის სახელმწიფო მათ საწვავის შეღავათიან ფასად შეძენაშიც დაეხმარება. 1 ჰექტარზე 150 ლიტრ საწვავს ფერმერები საბაზრო ფასზე ერთი ლარით იაფად შეიძენენ. 42 ათასი ფერმერი კი სარწყავი წყლის საფასურისგან წლის განმავლობაში გათავისუფლდება. პროგრამისთვის 300 მილიონი ლარია გამოყოფილი.
მთავრობის შეთავაზებით სარგებლობისა და პლასტიკური ბარათების მისაღებად ფერმერებმა „ლიბერთი ბანკს“ უნდა მიმართონ.