14, მაისი 2020 14:09:00
ბათუმში, გენერალ ასლან აბაშიძის ქუჩაზე გამწვანების აქცია მოეწყო. პოლიტიკური გაერთიანება "ლელო საქართველოსთვის" მწვანე კამპანიას "გაამწვანე შენი უბანი" აგრძელებს. აქტივობის მიზანი საცხოვრებელ უბნებში მეტი რეკრეაციული ზონის შექმნაა. ტერიტორიაზე 20 წიწვოვანი და ფოთლოვანი ხე დარგეს.
„ბოლო ათწლეულია ბათუმი ურბანული კატასტროფის წინაშეა, ვხედავთ როგორ ქაოტურად ვითარდება ქალაქი, არ არსებობს განვითარების გენერალური გეგმა, დაუცველია მწვანე საფარი და ის დღითიდღე მცირდება, რის შედეგადაც ყოველდღიურად უარესდება მოქალაქეთა საცხოვრებელი გარემო. სამშენებლო ნებართვების გაცემის დაურეგულირებელმა პრაქტიკამ ქალაქი ბეტონის ჯუნგლებად აქცია, სადაც არ რჩება ადგილი მოქალაქეების რეკრეაციისთვის და სუფთა ჰაერისთვის. პოლიტიკური გაერთიანება ,,ლელო საქართველოსთვის“ იწყებს საქართველოს ყველა რეგიონსა და ქალაქში, მასშტაბურ კამპანიას ,,გაამწვანე შენი უბანი“ - ჩვენ უნდა შევცვალოთ გარემო უკეთესობოსკენ ჩვენივე ძალისხმევით და შევქმნათ სივრცეები, სადაც ჩვენი შვილები იქნებიან უსაფრთხოდ და ჯანსაღად“ - აცხადებს ირაკლი კუპრაძე.