14, მაისი 2020 19:36:00
სადახლოში უბედურ შემთხვევას 22 წლის ახალგაზრდა ემსხვერპლა. რადიო მარნეულის ინფორმაციით, ახალგაზრდა „GAZ53” -ის მარკის სატვირთო მანქანას არემონტებდა, რა დროსაც ავტომობილის ერთ-ერთი ნაწილი ჩამოიშალა და ბიჭს დაეცა.
როგორც სამედიცინო დაწესებულების მენეჯერმა განაცხადა, ბიჭი მათ კლინიკაში გარდაცვლილი მიიყვანეს. შინაგან საქმეთა სამინისტრომ მომხდარ ფაქტზე გამოძიება 276-ე მუხლის მეექვსე ნაწილით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.