19, ივნისი 2020 17:22:00
ბათუმის შემოვლითი გზის 13 კილომეტრიანი მონაკვეთის მშენებლობა ინტენსიურ რეჟიმში მიმდინარეობს. ამ ეტაპზე, სამშენებლო სამუშაოები 17 ხიდსა და 4 გვირაბზე ხორციელდება. მიმდინარე სამუშაოებს, თორნიკე რიჟვაძე, საქართველოს რეგიონული განვითარებისა და ინფრასტრუქტურის მინისტრის პირველი მოადგილე და საავტომობილო გზების დეპარტამენტის თავმჯდომარე ირაკლი ქარსელაძე ადგილზე გაეცნენ. პროექტის ფარგლებში აშენდება ორ ზოლიანი ასფალტ-ბეტონის გზა, 19 სახიდე გადასასვლელი, 4 სატრანსპორტო კვანძი, 5 გვირაბი და 57 წყალგამტარი მილი. ახალი შემოვლითი გზა გაივლის: მახინჯაურს, განთიადს, კაპრეშუმს, სალიბაურს, ფერიას, მახვილაურსა და ხელვაჩაურს. პროექტი, აზიის განვითარების ბანკისა და აზიის ინფრასტრუქტურის საინვესტიციო ბანკის მიერ ფინანსდება. პროექტის ღირებულება კი 329 მილიონ ლარზე მეტს შეადგენს. შეხვედრის შესახებ TV25 ინფორმირებული არ იყო და შესაბამისი ინფორმაცია, ვიდეომასალასთან ერთად, აჭარის მთავრობის პრეს-ცენტრმა მოგვაწოდა.