22, ივნისი 2020 14:16:00
“ნაციონალური მოძრაობაში” აჭარის მთავრობის თავმჯდომარის, მისი მამის, დავით რიჟვაძისა და აჭარის პოლიციის დეპარტამენტის უფროსის, კოტე ანანიაშვილის უფლებამოსილების შეწყვეტას ითხოვენ. პარტიაში აცხადებენ, რომ მაღალჩინოსნებმა სპორტსმენებს, თანხის სანაცვლოდ, წინასაარჩევნოდ, დახმარება სთხოვეს. გიორგი კირთაძემ რეზო წულუკიძისა და ელდარ ანთაძის შემთხვევებზე ისაუბრა. თქვა, რომ მათი მეუღლეების ანგარიშებზე თანხების ჩარიცხვის დამადასტურებელი დოკუმენტები მათ წულუკიძის ოჯახმა მიაწოდა. აქ აცხადებენ, რომ ამ გზით, ხელისუფლება, ზონდერ ჯგუფების ჩამოყალიბებას ცდილობს, რომლებსაც წინასაარჩევნოდ, ოპოზიციის წინააღმდეგ გამოიყენებს. ბრალდებაზე საპასუხოდ, აჭარის მთავრობამ მხოლოდ მზა პასუხი გამოგვიგზავნა. მოწოდებულ სინქრონში, რესპოდენტი ირწმუნება, რომ წულუკიძის და ანთაძის ოჯახებს თანხა დასახმარებლად ჩაურიცხეს. აჭარის ჯანდაცვის მინისტრი ამბობს, რომ მათგან მიღებული ქონდათ წერილი, რომლითაც ისინი ძვირადღირებული მედიკამენტების შესაძენად დახმარებას ითხოვდნენ.