შინაგან საქმეთა სამინისტრომ ინტერნეტით ნარკოტიკების რეალიზაციის საერთაშორისო დანაშაულებრივი სქემა გამოავლინა. განსაკუთრებით დიდი ოდენობით ნარკოტიკული საშუალებების უკანონო შეძენა-შენახვა-გასაღების ბრალდებით, უკრაინის სამი მოქალაქე თბილისში დააკავეს. სხვადასხვა ლოკაციაზე, ასევე ბინის ჩხრეკის შედეგად, ჯამში ამოღებულია 758 ბუპრენორფინის" შემცველი ნარკოტიკული საშუალება "სუბუტექსის" მთლიანი აბი და 21 ნატეხი. გამოძიებით დადგინდა, რომ დაკავებულიდან ორი, მესამე დაკავებული პირის მითითებით, თბილისში, წინასწარ, სპეციალურად შერჩეულ სამალავებში ათავსებდნენ ნარკოტიკულ საშუალებებს, მისამართებს კი დისტანციურად ატყობინებდნენ პირს, რომელიც შემდეგ ამ ნარკოტიკების რეალიზაციას ახდენდა. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.
2
s
s
s