23, ივნისი 2020 17:26:00
სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ჩვილის ყიდვა-გაყიდვის ფაქტზე სამი პირი დააკავეს. გამოძიებით დგინდება, რომ წყვილს, 2020 წლის 18 ივნისს ვაჟი შეეძინათ. დიდი ოდენობით შემოსავლის მიღების მიზნით ისინი დაუკავშირდნენ პირს, რომელთანაც 5ათასი ამერიკული დოლარის სანაცვლოდ შვილის გაყიდვაზე შეთანხმდნენ. აღნიშნული პირი სამოქალაქო რეესტრში ახალშობილის მამად დარეგისტრირდა და აიღო დაბადების მოწმობა. დაკავება ფულის გადახდისას მოხდა. გამოძიება, არასრულწლოვნის მიმართ უკანონო გარიგების ფაქტზე მიმდინარეობს, რაც სასჯელის სახით ორიდან ხუთ წლამდე თავისუფლების აღკვეთას ითვალისწინებს.
1
s
s
s