საქართველოს გენერალური პროკურატურის გენერალური ინსპექციის თანამშრომლებმა, ქრთამის მიცემის ფაქტზე ადვოკატი გ.ჩ. დააკავეს. გამოძიებით დადგინდა, რომ დაკავებულმა, საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის უფროს ინსპექტორ-გამომძიებელთან ა.ლ.-სთან ერთად, შუამავალს ერთ-ერთი თანამდებობის პირისათვის ქრთამის სახით 100 ათასი ლარის გადაცემა შესთავაზა, რის სანაცვლოდაც მისი დაცვის ქვეშ მყოფი ბრალდებული სასჯელაღსრულების დაწესებულებიდან უნდა გათავისუფლებულიყო. ფაქტის შესახებ პროკურატურას სწორედ აღნიშნულმა შუამავალმა აცნობა. აღკვეთის ღონისძიების სახით, პატიმრობა შეფარდებული აქვს საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის უფროს ინსპექტორ-გამომძიებელს ა.ლ.-საც.
79
s
s
s