25, ივნისი 2020 17:15:00
25 ივნისი მეზღვაურთა საერთაშორისო დღეა. პანდემიის გამო, მეზღვაურთა დღე მასშტაბური ღონისძიებებით ვერ აღინიშნა. წელს ტრადიციული მსვლელობაც ვერ მოეწყო. გაიმართა მრგვალი მაგიდა ბათუმის ნავიგაციის სასწავლო უნივერსიტეტის ორგანიზებით. დისტანციურ შეხვედრაზე სხვადასხვა საერთაშორისო საზღვაო გაერთიანების წარმომადგენლებმა და დარგის სპეციალისტებმა კოვიდ 19-ის გამო შექმნილ გამოწვევებსა და ახალ შესაძლებლობაზე ისაუბრეს. გაიმართა წარმატებულ სტუდენტთა დაჯილდოვების ცერემონია. პროფესიული დღე კოლეგებს მიულოცეს შორეულ ნაოსნობაში მყოფმა მეზღვაურებმა. შეგახსენებთ, 25 ივნისს მეზღვაუთა დღე 2011 წლიდან აღინიშნება. წელს სლოგანია: „მეზღვაური- საკვანძო პროფესია“.