26, ივნისი 2020 17:28:00
აჭარის ტელევიზიასთან საპროტესტო აქცია დაახლოებით ერთ საათში დაიწყება. დაგეგმილი აქციით მონაწილეებს სურთ კიდევ ერთხელ უთხრან ხელისუფლებას, რომ საზოგადოებრივი მაუწყებლის აჭარის ტელევიზია და რადიო საზოგადოების ინტერესს უნდა ატარებდეს და რომ არ მისცემენ უფლებას სხვას, მაუწყებელი იყოს მიკერძოებული. საპროტესტო აქციას ორგანიზებას „ალტერნატიული პროფკავშირები“ უწევს. მას შემდეგ, რაც მაუწყებლის მრჩეველთა საბჭომ ახალი დირექტორი აირჩია, გიორგი კოხრეიძის გადაწყვეტილებით, რამდენიმე ჟურნალისტს შრომითი ხელშეკრულება შეუწყდა, ნაწილს კი პირობები შეეცვალა.