30, ივნისი 2020 17:45:00
„ქართველ მუსლიმთა კავშირის“ თავმჯდომარე შესაძლოა „ევროპული საქართველოს“ მაჟორიტარი კანდიდატი გახდეს. ამის შესახებ დღეს პარტიის ერთ-ერთმა ლიდერმა, გიგი უგულავამ ბათუმში, პრეს-კონფერენციაზე განაცხადა. „ტარიელ ნაკაიძე ღირსეული ადამიანია, სწორი და კარგი რეპუტაციით, ჯანსაღი ღირებულებებით, რაც ჩვენთვის მნიშვნელოვანია. მხოლოდ გამიხარდება თუ ჩვენი თანამშრომლობა შედგება“- განაცხადა უგულავამ. ცნობისთვის, იმ შემთხვევაში, თუ ტარიელ ნაკაიძე არჩევნებში მონაწილეობას დათანხმდება, იგი კენჭს მაღალმთიანი აჭარის ოლქში იყრის, რომელიც ხულოს, შუახევის, ქედის და ხელვაჩაურის ნაწილს აერთიანებს.