07, ივლისი 2020 16:45:00
ერთიანი ეროვნული გამოცდების მეორე დღე დასრულდა. აბიტურიენტებმა თავი დღესაც ქართულ ენასა და ლიტერატურაში გამოსცადეს. ხანგრძლივობა 3საათი და 45 წუთი იყო. რეგისტრირებული 710 აბიტურიენტიდან გამოცდაზე აჭარაში 669 მათგანი მივიდა. რეგიონში სულ ოთხი საგამოცდო ცენტრია გახსნილი, სამი ბათუმში, ერთი - ხულოში. 2020 წლის ერთიანი 6 ივლისს დაიწყო და 25 ივლისს დასრულდება. წელს კორონავირუსის პანდემიის გამო გამკაცრებულია გამოცდააზე დაშვების პირობები. აბიტურიენტები აუდიტორიებში მოხვედრამდე თერმოსკრინინგს გადიან. მაგიდებს შორის არის დისტანცია. დამატებითი ვალდებულებები აქვთ გამომცდელებსაც.