სპორტულ ღონისძიებებზე დამსწრეები, სტადიონებზე, 2 სკამის გამოტოვებით განთავსდებიან. აღნიშნულს ახალი პროტოკოლი ითვალისწინებს, რომელიც ჯანდაცვის სამინისტრომ კორონავირუსთან დაკავშირებული ვითარების გამო შეიმუშავა. აუცილებელი პირობა იქნება პირბადის გამოყენებაც. როგორც შრომის პირობების ინსპექტირების დეპარტამენტში აღნიშნავენ, ღია სივრცეში მიმდინარე სპორტულ ღონისძიებებზე დასწრებას, გულშემატკივრები, მალე შეძლებენ. პროტოკოლის დეტალები ჯერ კიდევ ზუსტდება, თუმცა ცნობილია, რომ, როგორც შეჯიბრში მონაწილეთათვის, ისე დამსწრეებისთვის სავალდებულო იქნება, ხელის ჰიგიენის დაცვა, 70%-იანი სპირტის შემცველი ხსნარით. მატჩის შემდგომ უნდა ჩატარდეს დასაჯდომი ადგილების დეზინფექცია. ასევე, უნდა იყოს გაკრული აბრები ყველასთვის, რომ ერთმანეთს ხელი არ ჩამოართვან და დაიცვან სოციალური დისტანცია. გულშემატკივრები სტადიონზე შესვლამდე თერმოსკრინინგს გაივლიან.
1
s
s
s