29, ივლისი 2020 17:42:00
ბათუმში, ლეონიძისა და გაგარინის ქუჩების დამაკავშირებელ მონაკვეთსა და გაგარინის ქუჩაზე, კეთილმოწყობის სამუშაოები გრძელდება. მისამართებზე, უკვე დასრულდა სანიაღვრე ჭებისა და მილების მონტაჟი, ასევე ტროტუარის ფილებისა და ბორდიურების მოწყობა. გაგარინის ქუჩაზე დასასრულს უახლოვდება სანიაღვრე არხის მოწყობის სამუშაოები, რის შემდეგაც დაეგება ასფალტი. აპრილში დაწყებული სამუშაოები წლის ბოლომდე უნდა დასრულდეს. პროექტის ღირებულება 1 მილიონ 623 ათას ლარია.