06, აგვისტო 2020 21:30:00
მთიან აჭარაში ქართველი ბლოგერების მოგზაურობას სოციალურ ქსელებში პოზიტიური გამოხმაურება მოჰყვა. ინფლუენსერებმა მარშრუტი კინტრიშის ეროვნული პარკიდან აიღეს და ერთი კვირის განმავლობაში ყველა მუნიციპალიტეტში არსებული ცნობილი და ნაკლებად ცნობილი ტურისტული მარშრუტის მონახულება შეძლეს. მტირალას ეროვნული პარკი, მაჭახელა, ჩირუხის მთა, მერისის ხეობა, კურორტი ბეშუმი, მწვანე ტბა- ეს იმ ადგილების ჩამონათვალია, რომელთა შესახებაც მოგზაურებმა პოზიტიური შთაბეჭდილებები და რეკომენდაციები ათასობით გამომწერს გაუზიარეს. აჭარის ტურიზმის დეპარტამენტი ინფოტურებს გიდებისთვის, ტურისტული სააგენტოებისა და მედიის წარმომადგენლებისთვისაც გეგმავს.