19, აგვისტო 2020 18:50:00
ქობულეთში, კერძოდ ფიჭვნარში, ე.წ. მწვანე ქალაქის მშენებლობისთვის ნახევარი მილიარდი ლარის ინვესტიცია უნდა განხორციელებულიყო, თუმცა პროექტი ჩავარდა - განცხადება ერთიანი ნაციონალური მოძრაობის წევრმა გააკეთა. ელგუჯა ბაგრატიონის განმარტებით, ყოფილმა პრემიერ-მინისტრმა მშენებლობა დაანონსა, თუმცა დაპირება დაპირებად დარჩა. თავად მამუკა ბახტაძემ, შესაბამის ორგანოებს საკითხით დაინტერესებისკენ მოუწოდა. „ქართული ოცნება“ კი ინფორმაციას ,,ფეიკ ნიუსს“ უწოდებს. მმართველი გუნდის წევრის თქმით, პანდემიის მიუხედავად აჭარაში სამუშაოები არ შეჩერებულა.