20, აგვისტო 2020 19:14:00
ბათუმში, კულტურული მემკვიდრეობის ძეგლების რეაბილიტაცია ხორციელდება. სამუშაოები XIX საუკუნეში აგებულ წმინდა თეოდორე აჭარელის სახელობის ეკლესიას უტარდება. ამ ეტაპზე ტაძრის გადახურვა და გარე ფასადის მოპირკეთება მიმდინარეობს. პარალელურად, მიმდინარეობს ბათუმის ღვთისმშობლის შობის სახელობის საკათედრო ტაძრის ფრესკების განახლება. უკვე დასრულდა ნოე ჟორდანიას, მაზნიაშვილის, კონსტანტინე გამსახურდიასა და აბაშიძის ქუჩების კვეთაში არსებული 5 საცხოვრებელი სახლის რეაბილიტაცია. შენობებს კულტურული მემკვიდრეობის ძეგლის სტატუსი აქვთ. სამუშაოებს ფინანსურ მხარდაჭერას ფონდი ,,ქართუ’’ უწევს.