26, აგვისტო 2020 19:59:00
თეატრები და კინო-თეატრები სამუშაო რეჟიმს 15 სექტემბრიდან გააგრძელებენ. გამკაცრებული რეგულაციების მოხსნის შესახებ გადაწყვეტილება მთავრობამ საკოორდინაციო საბჭოს სხდომაზე მიიღო. გახსნის შემდეგ დაწესებულებებს რეგულაციების გათვალისწინება მოუწევთ. თეატრში მომხმარებლის ყოფნის მაქსიმალური დრო 3 საათი იქნება. ამასთან, დარბაზში მაყურებელი ერთი სკამის გამოტოვებით განთავსდება და სავალდებულო იქნება პირბადის გამოყენება.