31, აგვისტო 2020 19:59:00
„ეროვნული ლიტერატურა თარგმანში“- ბათუმში, მერვე საერთაშორისო კონფერენცია გაიმართა. ბათუმის სახელმწიფო უნივერსიტეტში ასამდე ქართველმა და უცხოელმა პროფესორ-მასწავლებელმა თარგმანის აქტუალურ საკითხებზე, მოხსენებები წარადგინეს. შეხვედრა მიზნად ისახავს ეროვნული ლიტერატურის უცხო ენებზე თარგმანის შესწავლას, გაანალიზებასა და არსებული თარგმანების ორიგინალთან შედარებას. კონფერენცია სამი დღის განმავლობაში გაგრძელდება. წაკითხულ მოხსენებებს კი სამეცნიერო კომიტეტი განიხილავს და დადებითი შეფასების შემთხვევაში, მოხსენების ტექსტი ფრანკოფონიული რეგიონული სადოქტორო კოლეგიის ჟურნალში დაიბეჭდება.