03, სექტემბერი 2020 17:05:00
აჭარა შავი ზღვისა და კავკასიის მთებს შორის მდებარეობს. რეგიონი მდიდარია ციხე-სიმაგრეებით, გამორჩეულია მთის ლანდშაფტით, უგემრიელესი ღვინით, უნიკალური სამზარეულოთი, მეგობრული და სტუმართმოყვარე მაცხოვრებლებით. ტურისტებისათვის საინტერესო და მიმზიდველია მთელი წლის განმავლობაში, თუმცა ახლა გირჩევთ რატომ უნდა ეწვიოთ რეგიონს შემოდგომაზე:
- დაესწროთ ფესტივალს „ განდაგანა“ , რომელიც საშუალებას მოგცემთ შეიგრძნოთ ადგილობრივი ტრადიციები და იმოგზაუროთ აჭარულ სოფელში ქალაქიდან გაუსვლელად;
- მიიღოთ მონაწილეობა ციტრუსის კრეფის პროცესსა და რთველში;
- დააკვირდეთ მილიონობით გადამფრენ ფრინველს სხვადასხვა სათვალთვალო პლატფორმიდან;
- მთიანი აჭარის რომელიმე სოფელში, ღია ცის ქვეშ მოუსმინოთ ადგილობრივ ფოლკლორს;
- დააგემოვნოთ უგემრიელესი სეზონური კერძები და ხილი.