04, სექტემბერი 2020 21:32:00
ახალი სასწავლო წლის დაწყებასთან დაკავშირებულ მზადების პროცესს გაეცნო აჭარის განათლების მინისტრი. მაია ხაჯიშვილი ბათუმის N2, 3 და 27-ე საჯარო სკოლებში მივიდა. საგაკვეთილო პროცესის დაწყების დროისთვის, დაწესებულებები უზრუნველყოფილნი იქნებიან პირბადეებით, დეზობარიერებით, სადეზინფექციო სითხეებით და თერმოსკრინინგის აპარატებით. ასევე, ყველა მოსწავლეს, I-დან XII კლასის ჩათვლით, გადაეცემათ სახელმძღვანელოები, პირველკლასელებს კი დამატებით, კომპიუტერები. მინისტრმა, დისტანციური სწავლების პერიოდში გაწეული შრომისთვის პედაგოგებს მადლობაც გადაუხადა.