07, სექტემბერი 2020 21:13:00
პროტესტი ჯავახიშვილის ქუჩაზე. 74 ნომერში მცხოვრებლები მოუწესრიგებელ ინსფრასტრუქტურას აპროტესტებენ. ამბობენ, რომ ქუჩის სარეაბილიტაციო სამუშაოების დასრულების შემდეგ, შიდა ეზო ასფალტის საფარით უნდა მოეწყოს, თუმცა დაპირება არ შესრულდა. ადგილობრივები ამტკიცებენ, რომ ავარიულ ეზოში უკვე ექვს თვეზე მეტია ცხოვრობენ. ამ ხნის განმავლობაში კი მათ კორესპოდენციებს მერიაში უპასუხოდ ტოვებენ. ბათუმის მერიის კეთილმოწყობისა და ინფრასტრუქტურის სამსახურში კი "მაცნე"-ს განუმარტეს, რომ ჯავახიშვილის ქუჩაზე, შიდა ეზოების მოწესრიგება ეტაპობრივად მიმდინარეობს და სამუშაოები 74 ნომერშიც მალე დაიწყება.