08, სექტემბერი 2020 21:10:00
ბათუმში, ჭაობის დასახლებაში რეაბილიტირებული ქუჩების გამწვანება მიმდინარეობს. ცაცხვი, მაგნოლია, ცხენისწაბლა და სხვა, ბესიკის ქუჩაზე, ჯამში 30-მდე ხე-მცენარე დაირგო. „ბათუმის გამწვანებისა და ლანდშაფტური დაგეგმარების სამსახურის“ ცნობით, სამუშაოები ეტაპობრივად ყველა რეაბილიტირებულ ქუჩაზე შესრულდება და წლის ბოლომდე, 5 ათასამდე ხეს დარგავენ. შესაბამისი ინფორმაცია და ვიდეო-მასალა ბათუმის მერიის საზოგადოებასთან ურთიერთობის სამსახურმა მოგვაწოდა.