23, სექტემბერი 2020 17:03:00
სარფის საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტზე, თურქეთის მოქალაქე დააკავეს. გამოძიებით დადგენილია, რომ ბრალდებულმა, საბაჟო კონტროლისაგან მალულად შემოიტანა განსაკუთრებით დიდი ოდენობით არადეკლარირებული ოქროს ნაკეთობები, რა დროსაც მოხდა მისი მხილება. საგამოძიებო მოქმედებების შედეგად ამოღებულია 299 გრამი ოქროს ნაკეთობები, რომლის საერთო ღირებულება 35 ათას ლარს აღემატება. დანაშაული, 5-დან 7 წლამდე თავისუფლების აღკვეთას ითვალისწინებს.