05, ოქტომბერი 2020 17:30:00
მდინარე მეჯინისწყალში, ძლიერი წვიმის დროს დაკარგულ კაცს მეხუთე დღეა უშედეგოდ ეძებენ. სამძებრო სამუშაოებში, მაშველებთან ერთად, ადგილობრივებიც არიან ჩართულნი. ავტომანქანა, რომლითაც მძღოლი მდინარეში გადავარდა, შემთხვევიდან რამდენიმე საათში იპოვეს. კაცის პოვნა კი ისევ ვერ ხერხდება. პირველი ოქტომბრის ღამეს, უამინდობამ, აღნიშნული შემთხვევის გარდა, სოფელ ჯოჭოში, ხუთი ადამიანის სიცოცხლე იმსხვერპლა.