14, ოქტომბერი 2020 16:14:00
აჭარის მთავრობის თავმჯდომარე ხულო-ზარზმის გზის სამშენებლო სამუშაოებს გაეცნო. 47 კილომეტრიანი გზის რეაბილიტაციისთვის შეთანხმებას ხელი ქუვეითთან გასულ კვირას მოეწერა. პროექტის დასრულების შემდეგ ბათუმიდან ახალციხემდე მგზავრობის დრო თითქმის ორი საათით შემცირდება. სარეაბილიტაციო მონაკვეთი დაბა ხულოდან იწყება, გაივლის გოდერძის უღელტეხილს და ადიგენის სოფელ ზარზმამდე მივა. პროექტის ბიუჯეტი 110 მილიონი ლარია. სამუშაოები საქართველოს ინფრასტრუქტურის სამინისტროს საავტომობილო გზების დეპარტამენტის დაკვეთით ხორციელდება.