სტიქიური მოვლენების შედეგად დაზარალებულთა რაოდენობა აჭარაში ბოლო რამდენიმე წლის განმავლობაში საგრძნობლად იზრდება.
მათგან ერთ-ერთი ჩვენი სიუჟეტის გმირია. ხათუნა ბოლქვაძე ოჯახთან ერთად, ხულოში, სოფელ ელელიძეებში, მეწყერსაშიშ ზონაში ცხოვრობდა.
5 წევრიან ოჯახს მოსალოდნელი საფრთხის გამო, მშობლიური სოფლის დატოვება მოუწია. ახლა ისინი, „ოცნების ქალაქში“ ცხოვრობენ, სადაც სხვების მსგავსად თვითნებურად ჩასახლდნენ.
ხათუნა ახლა ბინის მიღების მოლოდინშია, რომელიც ამავე დასახლებაში შენდება, თუმცა ზუსტად არ იცის შეხვდება თუ არა მთავრობის საჩუქარი მათ.
აჭარის მთავრობას ამ დრომდე არ განუსაზღვრავს კრიტერიუმები, რომლის მიხედვითაც სოციალურად დაუცველების ბინით უზრუნველყოფა მოხდება.
საქართველოს ჯანდაცვის სამინისტროს ინფორმაციით, ქვეყანაში დღეის მდგომარეობით, ოფიციალურად რეგისტრირებული 6 ათასზე მეტი ეკომიგრანტია.
ნახეთ სიუჟეტი ამავე თემაზე: ეკომიგრაცია და მაჟორიტარების ხედვა