16, ნოემბერი 2020 16:46:00
„ახალგაზრდული მუშაკის, როგორც პროფესიის ინსტიტუციონალიზაცია“ - პროექტის ფარგლებში ახალგაზრდობის სააგენტო კოლეჯ „ახალ ტალღას“ ეწვია.
შეხვედრის მიზანი პროფესიული სასწავლებლის მონაწილეობით, სამუშაო პრინციპების განსაზღვრა იყო. ასევე ახალგაზრდების ჯგუფის და თემების განსაზღვრის პროცესის მონიტორინგი, რათა პროგრამა გამართულად და დროში შეუფერხებლად გაგრძელდეს.
შეხვედრაში მონაწილეები პირველ, სახელმწიფოსგან აღიარებულ ახალგაზრდული მუშაკის გადამზადების სასერტიფიკატო პროგრამის პრაქტიკულ კომპონენტს გაივლიან.
პროგრამით, პირველ ეტაპზე, ღია კონკურსის გზით შერჩეული 27 პრაქტიკოსი ახალგაზრდული მუშაკი, საქართველოს 9 რეგიონიდან გადამზადდება.
მონაწილეებს შორის მოცემული პროფესიული სასწავლებლებიდან თითო თანამშრომელიც არის წარმოდგენილი, რომელიც პროგრამის დასრულების შემდეგ საქმიანობას ადგილზე გააგრძელებს.
შეგახსენებთ, გადამზადების ეს აკრედიტირებული პროგრამა სააგენტომ საქართველოს ახალგაზრდულ მუშაკთა ასოციაციასთან და განათლების სამინისტროსთან თანამშრომლობით დაიწყო.