29, ნოემბერი 2020 20:59:00
ბათუმში გორგილაძის ქუჩაზე მდებარე "რეფორმერფიტმესის" ოფისში პოლიცია შევიდა და საგამოძიებო მოქმედებებს ატარებენ.
შენობის შესასვლელი ყვითელი ლენტითაა შემოსაზღვრული და პოლიცია იცავს. ადგილზე გაერთიანებული ოპოზიციის წევრები და მოქალაქეები იმყოფებიან.
პოლიციასა და ოპოზიციის ლიდერებს შორის დაპირისპირებაა. ისინი ფიტნეს კლუბის დახურვას აპროტესტებენ.
შეგახსენებთ, ფიტნესკლუბი შეზღუდვების მიუხედავად მუშაობას აგრძელებს. ორგანიზაცია 10 ათასი ლარით დააჯარიმეს. დღეს განმეორებითი დარღვევის დაფიქსირებისას, შრომის ინსპექციამ ინფორმაცია შს სამინისტროს მიაწოდა.