01, დეკემბერი 2020 17:31:00
მე-10 მოწვევის პარლამენტი პირველ სხდომას სავარაუდოდ, 11 დეკემბერს გამართავს, თუმცა საბოლოო გადაწყვეტილება ჯერ მიღებული არ არის. “ქართულ ოცნებაში“ ოპოზიციასთან მოლაპარაკებების დასრულებას ელოდებიან. ახალარჩეული პარლამენტის პირველი სხდომა, არჩევნების შედეგების ოფიციალურად გამოცხადებიდან, არაუგვიანეს მე-10 დღეს უნდა ჩატარდეს. პირველ სხდომას, პრეზიდენტი დანიშნავს. ამასთან, საკანონმდებლო ორგანო პირველ სხდომაზე უფლებამოსილია მუშაობას შეუდგეს, თუკი პარლამენტის ორი მესამედი დაესწრება. ამ შემთხვევაში, უფლებამოსილება შეუწყდება წინა მოწვევის პარლამენტს.