15, დეკემბერი 2020 17:37:00
ყალბი ფულის დამზადება-გასაღების ფაქტზე სამი პირი დააკავეს. გამოძიებით დადგინდა, რომ ბრალდებულები, კუსტარულად დამზადებული თაბაშირის ყალიბებისა და ნედლეულის სახით ტყვიის გამოყენებით, ყალბ 1-ლარიან მონეტებს ამზადებდნენ, რომელსაც შემდგომ სწრაფი ჩარიცხვის აპარატების მეშვეობით ასაღებდნენ. თანხა ირიცხებოდა ონლაინ ტოტალიზატორებში მათივე სადეპოზიტო ანგარიშებზე, შემდეგ კი მას ანაღდებდნენ. ჯამში, დაახლოებით 8 ათასი ცალი ყალბი მონეტაა გასაღებული.