21, დეკემბერი 2020 17:56:00
რეგიონში ეპიდემიის მართვის თვალსაზრისით სტაბილიზაცია შეინიშნება - შეფასება დღეს, კორონავირუსთან დაკავშირებით შექმნილი ოპერატიული შტაბის სხდომაზე გაკეთდა. როგორც წევრებმა აღნიშნეს, სამედიცინო დაწესებულებები და კოვიდსასტუმროები პაციენტების მისაღებად ისევ მზად ყოფნაში არიან. ამბობენ, რომ რეგიონში ამ ეტაპზე 336 თავისუფალი საწოლია, სიმპტომების შემთხვევაში კი ტესტირება ყველა მუნიციპალიტეტშია შესაძლებელი. ასევე, უწყებათაშორისი საკოორდინაციო საბჭოს გადაწყვეტილებით, ყველა პირს, ვისაც დიდ ბრიტანეთში, ბოლო 14 დღის განმავლობაში მოგზაურობის ისტორია აქვს, საქართველოში შემოსვლისას 12-დღიან სავალდებულო კარანტინს დაექვემდებარებიან.