24 დეკემბრიდან დაანონსებული შეზღუდვების შემსუბუქება სრული მოცულობით არ განხორციელდება. გადაწყვეტილება საკოორდინაციო საბჭოს სხდომაზე მიიღეს. როგორც ცნობილია, არ აღდგება სატრანსპორტო მიმოსვლა. არც მუნიციპალური და არც საქალაქთაშორისო ტრანსპორტი იმოძრავებს. სავაჭრო ობიექტებს, რომლებმაც მუშაობა, ყველა წესის დაცვის შემთხვევაში უნდა განაახლონ, დამატებითი რეგულაციები დაუწესდათ. რა ნაწილში შემსუბუქდა შეზღუდვები და პირიქით, რა დამატებითი რეგულაციები ამოქმედდება 24 დეკემბრიდან 2 იანვრის ჩათვლით. სიუჟეტიდან გაიგებთ.

საკოორდინაციო საბჭომ მიიღო გადაწყვეტილება, რომ 24 დეკემბრიდან - 2 იანვრის ჩათვლით შეზღუდვების შემსუბუქება სრული მოცულობითარ განხოციელდეს: საბოლოო გადაწყვეტილებით:

1.      ძალაში რჩება მუნიციპალური ტრანსპორტის და საქალაქთაშორისო ტრანსპორტის გადაადგილების შეზღუდვა

2. ნებადართული იქნება გადაადგილება კერძო ავტომანქანებით.

3.      ბაზრობები არ გაიხსნება. მუშაობას ისევ გააგრძელებენ აგრარული ბაზრები.

4.     დიდ ქალაქებში, 24 დეკემბრიდან- 2 იანვრის ჩათვლით კოვიდ-უსაფრთხოების წესების დაცვით, მუშაობას განაახლებენ სავაჭრო ობიექტები.  მაღაზიების სამუშაო საათები განისაზღვრება დილის 07:00დან 19:00 საათამდე. მაღაზიის ფართის ყოველ 20 მ2 დაიშვება არაუმეტეს ერთი მომხმარებელი.  მაღაზიების როგორც შიდა, ასევე  გარე სივრცეში უნდა მოხდეს მომხმარებელთა რიგების მართვა.  ფასდაკლებების აქციები უნდა გამოაცხადონ ძირითადად დილის საათებში ან ონლაინ გაყიდვების შემთხვევაში. ტანსაცმლის მაღაზიებში არ იმუშავებენ გასახდელები. ამასთან, მომხმარებელთა ინტერესების დაცვის მიზნით, მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მომხდეს მხოლოდ 1 თებერვლის შემდეგ.  სავაჭრო ცენტრებში იკრძალება კვების ობიექტების ფუნქციონირება, მათ შორის გადატანის სერვისით. რეგულაციებზე, სრული პასუხისმგებლობა ეკისრება სავაჭრო ობიექტების ადმინისტრაციას. სხვა შემტხვევაში, გამოყენებული იქნება როგორც დაჯარიმება, ასევე საქმიანობის შეჩერება.

5.   სათხილამურო კურორტების გარდა, მთელი ქვეყნის მასშტაბით დაშვებული იყო სასტუმროების და მათთან არსებული რესტორნების ფუნქციონირება მხოლოდ სასტუმროების სტუმრების მომსახურებისთვის. აკრძალულია კულტურული და სხვა სახის გასართობი ღონისძიებების მოწყობა. სამწუხაროდ ვხედავთ, რომ სასტუმროების დიდი ნაწილი ცდილობს ამ მოთხოვნების გვერდის ავლას და  საახლაწლო საღამოების მოწყობას, აქედან გამომდინარე, მივიღეთ გადაწყვეტილება, რომ სასტუმროების რესტორნები იმუშავებენ მხოლოდ 21:00მდე, ხოლო 21:00-დან დაშვებული იქნება მხოლოდ ნომერში მომსახურების სერვისი - აღნიშნულია  ახალ რეგულაციაში.

6.      რესტორნები და კვების ობიექტები ქვეყნის მასშტაბით აგრძელებენ მუშაობას მხოლოდ გატანის სერვისზე.

7. ძალაში რჩება გადაადგილების შეზღუდვა მთელი ქვეყნიოს მასშტაბით 21:00 საათიდან 05:00 საათამდე, როგორც ქვეითად, ისე ავტომობილით;

8.  გამონაკლისი იქნება ახალი წლის, ანუ  31 დეკემბრის ღამე და ასევე შობის, 6 იანვრის ღამე;

Tags:

გაზიარება

9