23, დეკემბერი 2020 17:12:00
ხელვაჩაურის საკრებულოს მინდია დიასამიძე უხელმძღვანელებს. ახალმა თავმჯდომარემ, საკრებულოს 18-ი წევრის მხარდაჭერა მიიღო. კენჭისყრაში მონაწილეობა არ მიიღო ოპოზიციური ფრაქციის ხუთმა წევრმა. თანამდებობა ვაკანტური მას შემდეგ გახდა, რაც ყოფილმა თავმჯდომარემ, ნადიმ ვარშანიძემ არჩევნებში მონაწილეობის მიზნით, საკრებულოს, უფლებამოსილების მოხსნის თაობაზე მიმართა. იგი უმაღლეს საბჭოში „ოცნების“ პროპორციული სიით შევიდა. მინდია დიასამიძე ახალშენის თემის მაჟორიტარია და ხელვაჩაურის საკრებულოში, საფინანსო-საბიუჯეტო კომისიას ხელმძღვანელობდა. ქონებრივი დეკლარაციის მიხედვით, საკრებულოში არჩევამდე მინდია დიასამიძე ბიზნესით იყო დაკავებული. არის შპს „ჯიდი ჯგუფის“ და კიდევ რამდენიმე კომპანიის დამფუძნებელი.