28, დეკემბერი 2020 17:41:00
კორონავირუსის პანდემიის გამო თურქეთში შესვლა-გამოსვლაზე ახალი რეგულაციები წესდება. ინფორმაციას, ბათუმში თურქეთის საკონსულო ავრცელებს. განცხადებაში აღნიშნულია: „ბოლო პერიოდში ინგლისში დაფიქსირებულ ვირუსის მუტაციური ფორმის SARS-CoV-2-ის შემთხვევების მატების გამო, 2020 წლის 28 დეკემბრიდან უცხოეთიდან საჰაერო გზით, ხოლო 30 დეკემბრიდან სახმელეთო, საჰაერო და საზღვაო გზებით თურქეთში შემოსულმა პირებმა ქვეყანაში შემოსვლისას უნდა წარმოადგინონ ბოლო 72 საათის განმავლობაში გაკეთებული SARS-CoV-2 ტესტის უარყოფითი პასუხი, სხვა შემტხვევაში, დაექვემდებარებიან კარანტინის გავლას მათ მიერ გაცხადებულ მისამართზე ან განთავსდებიან საკარანტინო სივრცეებში. მე-7 დღეს, ვისაც ექნება უარყოფითი პასუხი PCR ტესტზე, საკარანტინო ვადა დასრულებულად ჩაითვლება, ხოლო ვისაც PCR ტესტის პასუხი დადებითი ექნება , პირი მკურნალობას გააგრძელებს:. საკონსულოს ცნობით, ახალი წესები პირველ მარტამდე გაგრძელდება.