კიდევ ერთი ხანძარი ე.წ. „ოცნების ქალაქში“. ცეცხლი სავარაუდოდ, ელექტროგაყვანილობიდან გაჩნდა. შემთხვევის შედეგად არავინ დაშავებულა. განადგურდა საყოფაცხოვრებო ნივთები. 2 წევრიან ოჯახს წასასვლელი არსად აქვს და იძულებულები არიან თავი მეზობლებს შეაფარონ. რა სახის დახმარებას გაუწევს მათ ბათუმის მერია? ნინია მესხიძე არკვევდა.
ხანძარი დღეს დილით, ფრიდონ ხალვაშის 188 ნომერში გაჩნდა. მიზეზი ჯერ კიდევ დაუზუსტებელია. პირველადი ინფორმაციით, ცეცხლი ელექტროგაყვანილობიდან გაჩნდა.
შემთხვევის დროს, ოჯახის წევრები სახლში არ იმყოფებოდნენ. შესაბამისად, არავინ დაშავებულა. ბიძინა ბედინაძე ამბობს, რომ წასასვლელი არსად აქვს და მეზობლების დახმარების იმედადაა.
ბათუმის მერიაში პრობლემის შესახებ ინფორმირებულები არიან. რა სახის დახმარებას გაუწევენ ღია ცის ქვეშ დარჩენილ ოჯახს? უწყების პასუხი ასეთია.
ცნობისთვის, ეს პირველი შემთხვევა არ არის, როცა „ოცნების ქალაქში“ მცხოვრებლებს სახლი დაეწვათ. ხანძრის შედეგად უკვე მე-13 ოჯახი დაზარალდა.
1
s
s
s