30, დეკემბერი 2020 17:31:00
აჭარული სამზარეულოს საიმიჯო რგოლებს საზოგადოებაში დადებითი გამოხმაურება მოჰყვა. საუბარია კლიპებზე, რომლებიც ქობულეთური, ლაზური და მთიანი აჭარის სამზარეულოს ნაკლებცნობილი კერძების შესახებ გაცნობთ. ადგილობრივი სამზარეულოს პოპულარიზაციას, აჭარის ტურიზმის დეპარტამენტი, გეგმავს. იანვრიდან, დეპარტამენტი საზოგადოებას, უკვე აჭარული კერძების შესახებ გადაღებულ ვიდეოგაკვეთილებსა და ფოტორეცეპტებს შესთავაზებს. ფოტო-ვიდეომასალა, ტრენინგ-სემინარებთან და მასტერკლასებთან ერთად სერვისების ახალ ონლაინ პლატფორმაზე განთავსდება. პროექტის მიზანი რეგიონში კულინარიის განვითარების ხელშეწყობა და აჭარული კერძების შესახებ ცნობადობის გაზრდაა.