31, დეკემბერი 2020 10:38:00
ბათუმში, 20-მდე ოჯახი "საქართველოს რკინიგზის" კუთვნილ შენობაში შეიჭრა და ფართობების გადაცემას ითხოვს. როგორც ისინი აცხადებენ, ღია ცის ქვეშ არიან და წასასვლელი არსად აქვთ.
აჭარის ჯანდაცვის მინისტრის მოადგილემ მოქალაქეებს მოუწოდა, რომ შენობა დროულად დატოვონ.
"არავის არა აქვს უფლება შეიჭრას სახელმწიფოს კუთვნილ შენობაში, ჩვენ მათ მოვუწოდებთ დროზე გაათავისუფლონ ფართი, წინააღმდეგ შემთხვევაში რეაგირება იქნება მკაცრი. არ ვიცით, რა კატეგორიის ოჯახები შემოიჭრნენ, ჩვენ მოვუწოდებთ დატოვონ ტერიტორია და ყველას ინდივიდუალურად შევხვდები, არცერთი მათგანი არ დარჩება სახელმწიფო დახმარების იმ პროგრამის მიღმა, რომელიც მათ ეკუთვნით", - განაცხადა რამაზ ჯინჭარაძემ.