14, იანვარი 2021 21:25:00
კონტრაბანდული თამბაქო ქართულ ბაზარზე. აქციზური მარკის გარეშე შენახვა-გადაზიდვის 6 ფაქტი გამოავლინეს. ფინანსთა სამინისტროს საგამოძიებო სამსახურის ცნობით, დანაშაულის ჩადენაში 6 პირია მხილებული, რომელთა შორის 2 დაკავებულია. ამოღებულია სარეალიზაციოდ გამზადებული სხვადასხვა დასახელების 8 ათას 400 კოლოფი უაქციზო სიგარეტი, რომლის საბაზრო ღირებულება 34 ათას ლარს აღემატება და სატრანსპორტო საშუალებები, რომლითაც ხდებოდა უაქციზო საქონლის გადაზიდვა. დანაშაული 6-დან 8 წლამდე თავისუფლების აღკვეთას ითვალისწინებს.