27, იანვარი 2021 17:05:00
2021 წლის პირველი თებერვლიდან, 26 თებერვლის ჩათვლით პერიოდში, აჭარის მუნიციპალიტეტებში, სკოლის მოსწავლეებს სპეციალური ტრანსპორტი მოემსახურება. აჭარის განათლების სამინისტრო, ამისთვის ტენდერის გარეშე, 530 ათას ლარამდე გადაიხდის. საჯარო სკოლის მოსწავლეების ტრანსპორტით უზრუნველყოფისთვის, აჭარის 2021 წლის ბიუჯეტში ჯამში 1 მილიონ 750 ათასი ლარია გათვალისწინებული. ტრანსპორტი მოემსახურება ყველა იმ მოსწავლეს, ვინც სკოლიდან არანაკლებ 2 კილომეტრის დაშორებით ცხოვრობს – ხულოს, შუახევის, ქობულეთის, ქედისა და ხელვაჩაურის მუნიციპალიტეტებში. ასევე, ნაწილობრივ ბათუმში მცხოვრებ მოსწავლეებსაც რომლებიც, ქალაქს შემოერთებულ ტერიტორიებზე ცხოვრობენ.